គីមសៀង's blog

ទិវាអ្នកម្តាយ

kimseang — Sun, 14 Aug 2011 05:52:17 +0000

ទិវាអ្នកម្តាយ បានរៀបចំឡើងនៅថ្ងៃទី ១២ សីហា ២០១១ កម្មវិធីដែលគេបានរៀបចំឡើងជារៀងរាល់ឆ្នាំនៅក្នុងប្រទេសថៃ។កាលពីថ្ងៃទី ១២ សីហាកន្លងទៅនេះវីទ្យាល័យរបស់ខ្ញុំក៏បានចាត់ចែងរៀបចំ កម្មវិធីទិវាអ្នកម្តាយនេះផងដែរ នៅក្នុងនៅមាននិស្សិតអាហារូបករណ៍ខ្មែរមួយចំនួនបានចូលរួម គោលបំនងក្នុងទិវាអ្នកម្តាយគឺអោយយើងសារភាពក្តីស្រលាញ់និងសូមអភ័យទោសចំពោះអ្នកម្តាយរបស់យើង៕

វិធីអង្គុយឱ្យត្រឹមត្រូវនៅមុខកញ្ចក់កុំព្យូទ័រ

kimseang — Mon, 20 Dec 2010 15:40:01 +0000

អ្នកបំពេញការងារនៅក្នងការិយាល័យសម័យថ្មីនេះក្នុង១ថ្ងៃៗ បានចំណាយពេលវេលាទៅលើការអង្គុយនៅមុខកុំព្យូទ័រស្រប ពេលដែលដៃក៏ប្រើម៉ៅអស់រយៈពេលមួយម៉ោងទៀតរហូតដល់ល្ងាចទើបងើបចេញពីតុធ្វើការ។ លក្ខណៈបែបនេះរមែងបង្ហាញថា មានបញ្ហាខ្លះកើតឡើងពីការងារដូច្នេះយើងងាក មកមើលពីការណែនាំល្អៗពីសមាគមវៈកាត់ឆ្អឹងរបស់អាមេរិកកាំងដែលប្រាប់ពីវិធីជួយកាត់ បន្ថយអាការៈឈឺស្រពន់ដូចខាងក្រោមនេះ : ចាប់ផ្ដើមអង្គុយឱ្យត្រង់រៀបចំឱ្យដើមស្មាទាំងសងខាងរត់ស្របនឹងឆ្អឹងត្រគាក។ បន្ទាប់មកដាក់ដៃទៅលើតុតាមសំរួលដោយទាយដើមដៃឱ្យរត់ស្របនិងដងខ្លួន។ចំណែក ឯប្រអប់ដៃនិងម្រាមព្រលែងវាទៅតាមសំរួលដើម្បីវាយទៅលើឃីននិងក្លិនម៉ៅ។ឧស្សាហ៍ ស្វែងរកពេលវេលាសំរាកឱ្យបានញឹកញាប់ដើម្បីរលាស់ដៃរលាស់ជើង។ ចំណែកភ្នែកវិញក៏សំខាន់ណាស់ដែរត្រូវសំរាកដោយការសំឡឹងមើលទៅទីដទៃពីមុខ កញ្ចក់កុំព្យូទ័រឱ្យបានញឹកញាប់ព្រមទាំងព្យាយាមរៀបចំតំណែងមុខកុំព្យូទ័រមានពន្លឺផ្លាត មកវិញតិចបំផុត។ សំរាប់ទីតាំងកញ្ជក់កុំព្យូទ័រគួរដាក់ឱ្យឃ្លាតឆ្ងាយពីដងខ្លួនប្រមាណ១ប្រវែងដៃហើយ ស្ថិតនៅក្នុងកំរិតសមល្មមនឹងកែវភ្នែកដោយមិនចាំបាច់ងើយឬក៏ឱនពេកនោះទេ៕

ពោត ជួយកម្ចាត់ជាតិពុល ក្នុងរាងកាយ

kimseang — Sun, 19 Dec 2010 14:05:03 +0000

តាមការសិក្សានាពេលថ្មីនេះ បានរកឃើញថា ពោតផ្អែមដែល ចម្អិនរួមហើយទោះជាស្ងោរ ឬអាំងក្ដី ក៏អាចជួយលាងជម្រះជាតិពុល ក្នុងរាងកាយ បានយ៉ាងល្អដែរព្រោះថា បន្ទាប់ពីឆ្លងកាត់ការចម្អិនរួចហើយ នឹងមានសារធាតុម្យ៉ាង ដែលហៅថា �អាស៊ីដហយ្វេរូលិក� ជាសារធាតុដ៏មាន ប្រយោជន៍ចំពោះរាងកាយ ចេញមកលាងជម្រះជាតិពុលក្នុងរាងកាយ ហើយមានប្រសិទ្ធ ភាពក្នុងការលាងម្រះខ្ពស់ទៀតផង។

វិធីស្ងោរពោត គួរស្ងោរដោយសីតុណ្ហភាពខ្ពស់ ១១៥ អង្សាសេ ហើយបើកាន់តែប្រើ ពេលស្ងោរយូរប៉ុណា សារធាតុសម្រាប់លាងជម្រះជាតិពុល នឹងកាន់តែកើនឡើងច្រើនដែល អាស៊ីដហ្វេរូលិក នេះនឹងទៅជួយប្រឆាំងនឹងរ៉ាឌីកាល់សេរីដែលតែងតែមកបង្កគ្រោះថ្នាក់ដល់ កោសិការបស់សេរីរាង្គផ្សេងៗ ក្នុងរាងកាយ៕

វិទ្យាល័យកំពង់ឈើទាល

kimseang — Sun, 05 Dec 2010 15:28:43 +0000

អំណោយដ៏មានតំលៃចេញពីព្រះបញ្ញាញាណ
វិទ្យាល័យកំពង់ឈើទាល

ព្រះអង្គក្សត្រីយ៍ មហាចក្រី សិរិនថន នៃព្រះរាជាណាចក្រថៃទ្រង់បានកសាង
វិទ្យាល័យកំពង់ឈើទាល ដែលមានទីតាំងស្ថិតនៅក្នុង ភូមិសំបូរ ឃុំសំបូរ ស្រុកប្រាសាទសំបូរខេត្តកំពង់ធំ ដើម្បីធ្វើជាព្រះរាជអំណោយថ្លៃថ្លានិងប្រកប
ដោយនិរន្តរភាពជូនដល់ប្រជាជនកម្ពុជាដើម្បីនឹងតបស្នងនូវទឹកចិត្តសប្បុរសធ៌មនិង

ទឹកចិត្តមេត្រីព្រមទាំងសំដែងពីសម្ព័ន្ធភាពនិងមិត្តភាពល្អប្រសើររបស់ប្រជាជនទាំងពីរប្រទេស ។ ព្រះអង្គទ្រង់ប្រោសមេត្តាឪ្យអង្គភាពឯកជនចូលរួមក្នុងគណះ
កម្មការដំនើរការគំរោងការដោយព្រះអង្គទ្រង់ប្រោសមេត្តាគង់ជាព្រះប្រធានគំរោងការនេះផ្ទាល់ ។វិទ្យាល័យកំពង់ឈើទាលជាសាលារៀនកំរិតមធ្យមសិក្សាដោយ
បង្រៀនទាំងចំនេះទូទៅនិងបណ្តុះបណ្តាលវិជ្ជាជីវះ ។ ព្រះរាជឧបត្ថមបានរួមលើ
គ្រប់ផ្នែកទាំងអស់បញ្ចូលគ្នា ដោយចាប់ផ្តើមពីការប្រមូលទិន្នន័យពីតំរូវការរបស់
សហគមន៍ក្នុងតំបន់ ការធ្វើផែនការសំរាប់សាងសង់អាគារ ផ្ទះសំនាក់គ្រូព្រមទាំង
ផ្ទះអន្តេវាសិកដ្ឋាន ការអភិវឌ្ឍន៍កម្មវិធីសិក្សាការត្រៀមបុគលិកសិក្សា ការអភិវឌ្ឍ
ការបង្រៀននិងរៀន ការអភិវឌ្ឍន៍ការងារគ្រប់គ្រង ការបំពាក់សំភារះបរិក្ខារនិង
អធិការកិច្ចផ្នែកអប់រំ ព្រមទាំងសកម្មភាពពិសេសផ្សេងៗទៀត ដូចជាការប្រទាន
អាហារូបករណ៍ដល់សិស្ស និង គ្រូគំរោងការអភិវឌ្ឍន៍ផ្នែកគុណភាពជីវិត និង
បរិស្ថានសាលារៀន ។
ព្រះអង្គម្ចាស់ក្សត្រិយ៍ មហាចក្រី សិរិនថន ទ្រង់យាងទតទីកន្លែងកសាង
សាលារៀនជាលើកដំបូងនៅថ្ងៃអាទិត្យ ទី១៣ ខែវិច្ឆិកា ឆ្នាំ២០០០ និងយាង
មកក្នុងពិធីបញ្ចុះបឋមសិលានៅថ្ងៃ ព្រហស្បតិ៍ ទី១៧ ខែឧសភា ឆ្នាំ២០០១ និង
យាងត្រួតពិនិត្យ ដំណើរការសាងសង់សាលារៀន នៅថ្ងៃ អង្គារ ទី៣០ ខែតុលា
ឆ្នាំ២០០១ និងនៅថ្ងៃ សុក្រ ទី ២៤ ខែ ឧសភា ឆ្នាំ ២០០២ បន្ទាប់មកនៅថ្ងៃ
ព្រហស្បតិ៍ ទី ១០ ខែ វិច្ឆិកា ឆ្នាំ ២០០៥ ទ្រង់យាងមកធ្វើជាអធិបតីក្នុងពិធី
សម្ភោធវិទ្យាល័យនេះ ។

នំព្រះចន្ទ ឬនំព្រះខែ

kimseang — Wed, 22 Sep 2010 15:13:00 +0000

mooncake

នំព្រះចន្ទ ឬនំព្រះខែ ភាសាចិនហៅយេប៊ិញ គឺជានំពិសេសសំរាប់ពិធីបុណ្យសែនព្រះចន្ទនាពាក់កណ្តាលរដូវស្លឹកឈើជ្រុះហៅបុណ្យ ZHONGQIU JIE ។
តើប្រពៃណីនេះចេញមកពីណា? លោកវ៉ាង ឡៃហួ សាស្ត្រាចារ្យនៃបណ្ឌិតសភាវិទ្យាសាស្ត្រសង្គមក្រុងទៀនជីន និងជាអ្នកជំនាញការខាងវប្បធម៌ចិនពន្យល់យើងពីរឿងនេះ ។ នំព្រះចន្ទដែលមានរាងមូល គឺជានិមិត្តរូបនៃ សុភមង្គល និងការជួបជុំ ។ គេពុំបានដឹងថាតើទំនៀមទំលាប់នេះ មានពីពេលណាមកនោះទេ ។ តាំងពីដើមមក នំ នេះគឺជាតង្វាយចំពោះព្រះចន្ទ ។ ក្រោមរជ្ជកាលហាន (ឆ្នាំ២០៦ មុនគ្រិស្តសករាជដល់ឆ្នាំ២២០ ក្រោយគ្រិស្តសករាជ) នំទាំងឡាយដូចជានំ ZHENGBING (ចំហុយ) នំហ៊ូប៊ិញ (ដុត) នំតាំងប៊ិញ (ចំអិនក្នុងស៊ុប) បានលេចចេញរូបរាងឡើង ។

សមាជិកគ្រួសារនីមួយៗបានចែកចាយនំទាំងនេះដល់គ្នាបរិភោគ ក្រោយការសែនរួច ដើម្បីកំណត់ពីការរួបរួមគ្នារបស់គ្រួសារសាច់ញាតិទាំងមូល ។ ក៏ប៉ុន្តែនំទាំងនេះនៅពុំទាន់ក្លាយជាអាហារពិសេសសំរាប់បុណ្យឡើយ ។
ពាក្យយេប៊ិញ YUEBING លេចជាលើកដំបូងក្នុងសៀវភៅរបស់រជ្ជកាលសុង (៩៦០-១២៧៩) ។ នាសម័យកាលនោះ ដំបូងវាគ្រាន់តែជានំធម្មតាប៉ុណ្ណោះ ។ គឺក្រោមរជ្ជកាលមិញ (១៣៦៨-១៦៤៤) ដែលនំព្រះខែទទួលបានឈ្មោះផ្លូវការរបស់ខ្លួន ។ ក្នុងសៀវភៅផ្សេងៗរបស់រជ្ជកាលមិញ គេឃើញការប្រើនំទាំងនេះសំរាប់ពេលបុណ្យពាក់កណ្តាលរដូវស្លឹកឈើជ្រុះ ។ ចំណែកបច្ចេកទេសនៃការផលិតនំយេប៊ិញមានការអភិវឌ្ឍន៍ថែមទៀត ក្នុងរជ្ជកាលគិញ (១៦៤៤-១៩១១) ។ នំយេប៊ិញពីមួយថ្ងៃទៅមួយថ្ងៃជានំពិសេសសំរាប់បុណ្យ ZHONG-QIU JIE ។
ទំនៀមទំលាប់ពិតណាស់ ទាក់ទិនដល់សកម្មភាពនានាដែលសរសើរដល់ព្រះចន្ទ (លោកខែ) ។ ជនជាតិចិននាំគ្នាបរិភោគនំយេប៊ិញដោយសម្លឹងមើលព្រះចន្ទពេញវង់ ។ជាមួយនឹងពេលវេលានំព្រះខែក្លាយទៅជាប្រពៃណីវប្បធម៌របស់ប្រជាជាតិចិន ។ បច្ចុប្បន្ននេះមាននំសែនព្រះខែជាច្រើនបែប ក្នុងនោះរួមមាន នំស្នូលពងក្រហមប្រៃ ស្នូលផ្លែឈើ ស្នូលសណ្តែក ឬក្រែមបែបបារាំង ៕

បុណ្យភ្ជុំបិណ្ឌ

kimseang — Sun, 19 Sep 2010 15:26:10 +0000

នៅសល់តែរយៈពេលប៉ុន្មានថ្ងៃទៀតប៉ុណ្ណោះ រដូវបុណ្យភ្ជុំបិណ្ឌនឹងឈានចូលមកដល់ហើយប្រជាពលរដ្ឋអ្នកកាន់ព្រះពុទ្ធសាសនាតែងនិយាយពីមួយទៅមួយពីរឿងបុណ្យភ្ជុំបិណ្ឌនេះ ហាក់ដូចជារង់ចាំថ្ងៃពិសេសនេះចូលមកដល់ឆាប់ៗដើម្បីចូលរួមដោយទឹកចិត្តជ្រះថ្លា។

ទាក់ទងនឹងរឿងបុណ្យភ្ជុំបិណ្ឌខាងលើ តាមអាចារ្យជំនាន់ដើមជាអ្នកឈ្លាសវៃខាងទ្រឹស្តីព្រះពុទ្ធសាសនាបានបញ្ចេញទស្សនៈទុកមកថា ដល់ថ្ងៃភ្ជុំបិណ្ឌហើយ បើពួកញាតិសន្តានកូនចៅមិនយកចង្ហាន់ទៅវត្តទេ ពេលពួកប្រេតដើររកស៊ើបអង្កេតគ្រប់ប្រាំពីរវត្តហើយក៏នៅមិនឃើញទៀតនោះ ពួកប្រេត(អ្នកស្លាប់) ដាក់បណ្តាសាដោយពាក្យអាក្រក់បំផុត តែបើបានឃើញកូនចៅញាតិសន្តានទៅវត្តធ្វើបុណ្យភ្ជុំបិណ្ឌហើយតែងឱ្យពរជ័យសព្ទសាធុការ រកស៊ីមានបានចំរុងចំរើន ត្រជាក់ត្រជំ សុខដុមរមនា មានសិរីសួស្តី អាយុយឺនយូរ បានសុខពីលោកនេះរហូតបរលោក។ ទោះបីជាទស្សនៈនេះកន្លងពីទ្រឹស្តីពុទ្ធសាសនាខ្លះមែន តែជាការបង្ហាញសុច្ឆន្ទៈដ៏វិសេសថ្លៃថ្លាណាស់ ដោយលោកខ្លាចកូនចៅជំនាន់ក្រោយភ្លេចវត្តអារាមទៅជាមនុស្សមិនស្គាល់បាប បុណ្យ គុណ ទោស អាក្រក់ ល្អ ដោយហេតុថា សាសនានេះហើយជាឫសគល់នៃវប្បធម៌ បើមនុស្សវៀរសាសនា វត្តអារាម ដូចភ្លេចអត្តសញ្ញាណរបស់ខ្លួនដូច្នេះដែរដូចពាក្យលោកលើកឡើងថា «សាសនារលត់ជាតិរលាយ»ព្រោះសាសនាជាមូលដ្ឋាននៃសេចក្តីល្អរបស់មនុស្ស ។ សូម្បីតែក្សត្រក៏មានធម៌គ្រប់គ្រងតាមលំនាំគន្លងនៃព្រះពុទ្ធសាសនាដែរ ដូចជានៅក្នុងទសពិធរាជធម៌ជាដើម។ ហេតុនោះហើយទើបអ្នកប្រាជ្ញខាងសាសនាទាំងឡាយខិតខំសិក្សាស្រាវជ្រាវរកទ្រឹស្តីល្អៗដែលមានតំលៃដល់ជាតិ ដល់សាសនាដើម្បីសុខសន្តិភាពក្នុងសង្គម។

សារ៉ាយសមុទ្រ

kimseang — Tue, 31 Aug 2010 13:19:15 +0000

សារ៉ាយ សមុទ្រ

សារ៉ាយសមុទ្រជាប្រភេទអាហារម្យ៉ាងមានគុណប្រយោជន៍ដល់រាងកាយ និងជួយធ្វើឱ្យមានសុខភាពល្អប្រសើរផងដែរ ។ ខាងក្រោមនេះជាប្រភេទសារធាតុនីមួយៗដែលមាននៅក្នុងបន្លែសារ៉ាយសមុទ្រ ៖
-សារធាតុ «អាយអូឌីន» ៖ ជាធម្មតាមនុស្សមានតំរូវការ «អាយអូឌីន» ប្រហែលពី០,១-០,៣មីល្លីក្រាម ក្នុងមួយថ្ងៃ ។ តាមការស្រាវជ្រាវបញ្ជាក់ថា ការទទួលទានសារ៉ាយសមុទ្រដែលមានបន្ទះស្តើងទំហំ២សង្ទីម៉ែត្រ៤ជ្រុង នឹងជួយបំរុងដល់តំរូវការនៃរាងកាយក្នុង១ថ្ងៃ និងជួយការពារជំងឺពក.កបាន ។
-សារធាតុដែក ៖ សារ៉ាយសមុទ្រជាប្រភេទអាហារសំបូរដោយសារធាតុដែក ជួយទ្រទ្រង់ពណ៌សម្បុរឱ្យមានសភាពស្រស់ស្អាត រួមទាំងជួយសក់ឱ្យមានពណ៌ខ្មៅ និងរលើបរលោងកាន់តែខ្លាំង ។
-សារធាតុទង់ដែង ៖ សារធាតុទង់ដែងមានតួនាទីស្រូបយកសារធាតុដែក និងផលិតសារធាតុ «អ៊ីម៉ូគ្លូប៊ីន» នៅតាមឆ្អឹង ប្រសិនបើរាងកាយមានកង្វះសារធាតុនេះនឹងធ្វើឱ្យមានជំងឺកោសិកាឈាម ឬឈាម.សស៊ីឈាមក្រហម និងសក់ជ្រុះយ៉ាងងាយស្រួល ។
-សារធាតុស័ង្កសី ៖ ជាប្រភេទសារធាតុម្យ៉ាងមានក្នុងសារ៉ាយសមុទ្រ ជួយធ្វើឱ្យប្រព័ន្ធការពារមេរោគក្នុងរាងកាយរឹងមាំ ។ សារធាតុសរសៃក្នុងអាហារជួយបង្កើនបរិមាណលាមក ធ្វើមិនឱ្យហើមពោះ និងជំនួយដល់ការបណ្តេញសារធាតុពុលផ្សេងៗនៅក្នុងផ្លូវរំលាយអាហារ ៕

ចេញសំដែងការរាំក្បាច់ណាំណាវ ភ្លេង” បុប្ផាព្រៃភ្នំ”

kimseang — Tue, 10 Aug 2010 12:52:33 +0000

ក្រោយពីនាងខ្ញុំបាននាំមិត្តភក្តិហ្វឹកហាត់រាំចំនួន បីថ្ងៃកន្លងមក នៅនាងខ្ញំបាននាំមិត្តភក្តិចេញសំដែងការរាំក្បាច់ណាំណាវ ភ្លេង” បុប្ផាព្រៃភ្នំ” រូបខាងក្រោមនេះជាសកម្មភាពនាពេលព្រឹកមិញមុនសំដែងនិងក្រោយសំដែង

គេរាំមានគូទាំងអស់ អត់តែញ៉ុម សំណាងដែរដែលអ្នកចំរៀងប្រុសមកសាសងជាមួយ

ជាងថតសូមជួយថតតួកណ្តាលអោយបានស្អាតៗណា

សំដែងរួចហើយមកថតរូបមួយសិន ទាន់នៅស្អាត

ហាត់រាំត្រៀមសំដែង

kimseang — Sat, 07 Aug 2010 10:33:29 +0000

ថ្ងៃនេះនាងខ្ញុំបានបង្រៀននិងហ្វឹកហាត់ការរាំក្បាច់ ណាំំណាវ ដែលនិងត្រូវចេញសំដែងនាពេលឆាប់ៗ នេះគឺថ្ងៃទី 10.08.2010 ពេលថ្ងៃត្រង់។

ហាត់រាំណាំណាវ

រូបតារាស្អាតៗ

kimseang — Fri, 06 Aug 2010 09:38:19 +0000

មិនបានចូលមកលេងយូរហើយ ថ្ងៃនេះមានពេលទំនេរក៏បញ្ចូលរូបតារាស្អាតៗ អោយមិត្តៗ បានមើលទំាងអស់គ្នា

: តារាខ្មែរ

ឈិត សុជាតា

អរគុណដែលបានចំនាយពេលវេលាចូលមកទស្សនា………..^^